Pages

Saturday, June 8, 2013

Rüsselsheim ရဲ့ နိဗ္ဗာန်( သို့) အထီးကျန် မင်းသမီးလေးရဲ့ ရဲတိုက် ° ° ° ° ° °


ဟိုးရှေးရှေးတုန်းက ပေါ့.. အလွန်လှပတဲ့ ဥယျာဉ်ကြီး တစ်ခုထဲမှ  ရဲတိုက်ကြီး တစ်ခု တည်ဆောက်ထားပြီး အဲ့ဒီ ရဲတိုက်ထဲ မှာတော့ အရမ်းကို ချောမော လှပတဲ့ မင်းသမီးလေးတစ်ဦး နေထိုင်ခဲ့ဖူး သတဲ့ကွယ်...။

မင်းသမီးလေးက နန်းတော်ထဲမှာ မနေပဲ ဘာလို့ ရဲတိုက်ကြီး ထဲမှာ နေရတာလဲ..?
ဘယ်လောက်ကြာကြာ နေခဲ့ပြီး သူ ဘာဖြစ်လို့ သေဆုံးသွားတာလဲ..?
ဘယ်လို အကြောင်းနဲ့ ထိုရဲတိုက်ကြီးကရော တစ်ဝက်တစ်ပျက် ပျက်စီးသွားခဲ့တာလဲ...?

မေးခွန်းတွေ အများကြီးက ခေါင်းထဲမှာ အပြည့်ပါ.. သိချင်စိတ် ပြင်းထန်နေပေမယ့် သူ့အကြောင်း လေ့လာဖို့ အချိန် မလောက်ငှခဲ့ပြန်ဘူး..။
သိချင်ရင် ပြတိုက်မှာ သွားဖတ်မှ ရမယ်.. ဒီမှာတော့ ဘာမှ ရေးမထားဘူး ဆိုတဲ့ သူငယ်ချင်းရဲ့ စကားကြောင့် စိတ်လျော့လိုက်ရတယ်။

မကျေမနပ်ဖြစ်မိပေမယ့်လဲ ဒီရဲတိုက်ကို မြင်ရခဲ့တယ် ဆိုတာနဲ့ ပဲ ဖြေသိမ့်လိုက်တော့တယ်..။

ခုချိန်မှာတော့ ပန်းခြံတစ်ခု အဖြစ် လူတွေ အပန်းဖြေ သွားလာ နေကြပါတယ်..။
သိပ်ကြီးမကြီးပေမယ့် သိပ်လဲ မသေးတဲ့ ပန်းခြံလေး တစ်ခုပါ..။
အရင်ကတော့ မင်းသမီးလေး နေခဲ့တဲ့ ဥယျာဉ်လေးပေါ့နော်..။

Rüsselsheim  ဆိုတဲ့ မြို့လေးက Frankfurt  ကနေ အနည်းငယ်ကျော်သွားရတဲ့ မြို့လေးတစ်ခုပါ။
Frankfurt air port  ကနေ သုံးမှတ်တိုင်လောက် ရထားစီးပြီး သွားရင်ရောက်ပါတယ်..။
အချစ်ဆုံးသူငယ်ချင်း( ထိုင်းမလေး ) နဲ့ သူ့မိသားစု နေတဲ့ ထိုမြို့လေးကို မရောက်တာ ကြာတာနဲ့ ရောက်ဖြစ်ခဲ့ပြီး ညနေပိုင်းမှာ ကန်ဘောင်ဘက်လမ်းလျှောက်ထွက်ရင်းက တဆင့် ထိုဥယျာဉ်လေးကို ရောက်ရှိခဲ့တာပါ။ အရင်က တစ်ခါမှ မရောက်ဖြစ်ခဲ့ပဲ ပထမဆုံးအကြိမ် ရောက်ခဲ့တာဖြစ်ပြီး အဲ့ဒီ ဥယျာဉ်က ရဲတိုက်ကြီး တည်ရှိနေရာ Rüsselsheim Verna ဥယျာဉ်ပါတဲ့..။

 °*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*
ဥယျာဉ်ထဲက ရဲတိုက်ရဲ့ ဘေးဘက်ခြမ်း

 ဘေးနားက ကန်အသေးလေး

မြို့ရဲ့ ပုံကို ပန်းချီဆွဲထားတာပါ နှစ်တွေ ကြာလို့ ဘာမှ မထင်ရှားတော့ပါဘူး..

 ဒါက Verna ရဲတိုက်.. ညနေပိုင်းရောက်သွားတာမို့ ပိုလို့ တောင် အထီးကျန်ဆန်နေတယ်..

 ဒါက Verna ရဲတိုက်..( ဒီတစ်ပုံက အင်တာနက် က ယူထားတာပါ သေချာကြည့်လို့ရအောင်)

အဆောင် ကူးတဲ့ တံတား..


 ညာဘက်က တံခါးဝ ..တစ်ချို့တစ်ဝက် ပျက်နေပြီ

 

အပေါ်ဆုံးက တစ်ခုထဲသော ပြတင်း



ဒါက ဥယျာဉ် အလည်နားက နေနာရီ သွားတဲ့အချိန်က ညနေဆိုတော့ ဘာမှမမြင်ရတော့ဘူး..
( နာရီတခါ ကြည့်ဖို့ အဝေးကြီး လာရမှားp )
 °*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*°*


အိမ်ပြန်ရောက်တော့ မကျေမနပ်ဖြစ်နေတာက လျှော့မသွားလို့..အင်တာနက်ထဲမွှေနှောက်လိုက်တဲ့ အခါမှာတော့ Verna Park အကြောင်း တွေ့လိုက်ရတယ်..။ တကယ်တော့ အဲ့ဒီဥယျာဉ်လေး ထဲ ဘယ်မင်းသမီးလေး မနေခဲ့ပါဘူး..နေခဲ့ သယောင်ယောင် စိတ်ကူးယဉ်ပြီး တည်ဆောက်ထားခဲ့တဲ့ ပန်းခြံတစ်ခု သက်သက်ပါပဲ..။

ပိုင်ရှင်ကတော့ Verna Family ပါ..။ ဒါကြောင့်လဲ ဒီဥယျာဉ်ကို Verna Park လို့ အမည်တွင်စေခဲ့ခြင်း ဖြစ်ပါတယ်.။ ၁၈၅၀-၁၈၆၅ ခုနှစ်အထိ တည်ဆောင်ခဲ့ပြီး တော့ ၁၉၁၁ မှာ Rüsselheim မြို့ကို ပြန်လည်ရောင်းချခဲ့ပြီး ၁၉၁၂ မှာတော့ လူထု ပန်းခြံအဖြစ် ပြောင်းလဲ အသုံးပြုခဲ့ပါတယ်..။ အဲ့ဒီပန်းခြံ ရဲ့ ကျော်ကြားရခြင်း အကြောင်းအရင်းတစ်ခုကတော့ နှစ်ပေါင်း ၁၄၀ ကျော်ကို မူရင်း တည်ဆောင်ထားတဲ့ ပုံစံအတိုင်း ထိန်းသိမ်းစောင့်ရှောက်နိုင်ခဲ့ ခြင်းကြောင့် ဖြစ်ပါတယ်.။ ဒါကြောင့်လဲ ဒီလို ပါးစပ်ရာဇင်ဝင် ပုံပြင်တွေ ရှိနေခဲ့ ပြီး ထင်ရောင် ထင်မှား ဖြစ်စဖွယ် စိတ်ကူးယဉ် ပန်းခြံလေး တစ်ခု ဖြစ်နေခဲ့ပါတယ်..။ သူ့ကို တနည်းအားဖြင့် Rüsselsheim ရဲ့ နိဗ္ဗာန် လို့လဲ ခေါ်ကြပါသေးတယ်..။
( ပုံတွေကတော့ အများကြီးကျန်ပါသေးတယ် အဓိက က  ရဲတိုက်ကိုပြောချင်တာ ဆိုတော့ သူနဲ့ ပတ်သတ်တဲ့ ပုံတွေပဲ တင်ပေးလိုက်ပါတယ်..ဗဟုသုတပေါ့ )

အိမ်မက်စေရာ
၀၈.၀၆.၁၃

No comments: