Pages

Monday, April 2, 2012

ဧပရယ်လ် suicide





ဘာလိုလိုနဲ့ မတ် လထဲကိုရောက်နေပြီ..နောက်လဆို ဧပြီလ..သြော် နှစ်တွေ လတွေပြောင်းလဲခဲ့တာများ အိမ်မက်မက်သလိုရယ်..ဧပြီလ ရောက်တော့မယ်ဆိုတိုင်း စိတ်ထဲမှာ ရှိနေတဲ့ အကြောင်းအရာက ခေါင်းထဲအလိုလိုရောက်လာတယ်..ကြာခဲ့ပြီ သုံးနှစ် လေးနှစ်လောက်တောင် ကြာခဲ့ပြီ ဒါပေမယ့် သတိရဆဲ အမှတ်ရဆဲ ..မောင်လေး နေကောင်းပါစေ..
( ၂၀၁၁ မတ်လထဲက ရေးခဲ့တဲ့ ပို့စ်လေးကို ခုမှ အဆုံးသတ် ဖြစ်သွားလို့ အကြောင်းအရာရဲ့ အစက မတ်လ ဖြစ်နေတာပါ..)
........................

ဧပြီရဲ့ လဆန်းတစ်ရက်မှာ အဲ့ဒီအဆောင်ကို ကျွန်မတို့ရောက်ခဲ့တယ်..ကျွန်မရယ် ကျွန်မရဲ့သူငယ်ချင်း မေရယ် သူ့မောင်လေး ဝမ်းကွဲ ကောင်းကောင်းရယ်..အကြောင်းအမျိုးမျိုးကြောင့် ဒီအဆောင်ကို အတူတူပြောင်းဖြစ်ခဲ့တယ်..

မြန်မာသူငယ်ချင်းတွေလဲ တော်တော်များပါတယ်..ရောက်ခါစနေ့မို့တော်တော်လေးပင်ပန်းတယ် ပစ္စည်းတွေ နေရာချ လိုအပ်တာတွေဝယ် ချက်လိုက် ပြုတ်လိုက်ပေါ့..ကျွန်မက မေနဲ့ တစ်ခန်း ကောင်းကောင်းက တစ်ခြားသူငယ်ချင်းကောင်လေးနဲ့ တစ်ခန်း..ကျွန်မတို့ရဲ့ အပေါ်ထပ်မှာ..

ဒီအဆောင် ကတောအုပ်စပ်နားလေးမှာ လူနေအိမ်တွေရှိပေမယ့် သူဝန်းနဲ့ သူ့ခြံ ခပ်ကြဲကြဲ ရယ်..အတော်လေးတော့ အေးချမ်းတဲ့ နေရာလေးလို့ ကျွန်မသတ်မှတ်မိတယ်...အဆောင်က ငါးထပ် ဒါပေမယ့် တော်တော်လေးမြင့်တယ်..ရောက်ခါစမှာ အားလုံးလာနှုတ်ဆက်ကျရင်း တော်တော်လေးကို ရင်းနှီးသွားခဲ့ကြတယ်..ပျော်စရာကောင်းတဲ့ နေ့လေး တစ်ရက်ပေါ့..

လောလောဆယ် ကျွန်မတို့လုပ်စရာမရှိ ကျောင်းတက်ဖို့ လဲ ရက်ကလဲလိုသေး အဲ့ဒီတော့ စားလိုက် အိပ်လိုက် ဈေးဝယ်သွားလိုက်ပေါ့..

"မေရေ ဒီနေ့ ဘာချက်လဲ".. ဟင်းချက်ကောင်းတဲ့မေက ကျွန်မကို တစ်ရက်တစ်မျိုး မရိုးအောင်လဲ ချက်ကျွေးတက်သေးပါတယ် ချစ်ဖို့ကောင်းတဲ့ သူငယ်ချင်းပါ...နေ့လည်ထမင်းစားချိန်ဆို ကောင်းကောင်းလဲ ကျွန်မတို့နဲ့ အတူလာစားပါတယ်...
"မကြီးတို့ရေ ဘာချက် ကောင်းကောင်း ဗိုက်ဆာပြီ.."
"လာဟေ့ စားမယ် အဆင်သင့်ပဲမောင်လေးရေ..."
ဒါက ကျွန်မတို့ သုံးဦးစီက နေ့စဉ်ကြားရနေကျ အသံလေးတွေ..

ညနေဆိုလဲ အတူတူပဲ စားဖြစ်ကြတယ်..အဲ စားပြီးရင် တော့ ကျွန်မရယ် မေရယ် တောအုပ်လေးထဲ လမ်းလျှောက်ထွက်ကြတယ်..နဲနဲ တော့ ကျောထဲစိမ့်မိတယ် တကယ့်ကို တောစစ်စစ်မို့ ဒါပေမယ့် အန္တရာယ်ရှိတဲ့ နေရာဆိုရင် အစိုးရက တားမြစ်နယ်မြေအဖြစ်သတ်မှတ်ပေးထားတယ်..အဲ့ဒီထဲတော့ သွားလို့မရဘူးပေါ့နော်...တောကောင်တွေရှိလိမ့်မယ်လို့ တော့ကျွန်မထင်တာပဲ...ညဘက်ဆိုရင်တော့ တကယ့်ကိုကြောက်စရာ...ကျွန်မရဲ့ ဒုက္ခက ဘာလဲဆိုရင် ညဘက် အပေါ့အပါးသွားတက်တဲ့ အကျင့်ရယ်..


တစ်ည ကျွန်မအပေါ့သွားဖို့ထွက်လာတယ်.. အိပ်ခန်းနဲ့ အိမ်သာကလဲ နဲနဲဝေးတယ်..အပေါ့သွားပြီးအပြန် ဖွင့်ထားတဲ့ ပြတင်းပေါက်က လေတစ်ဖျပ်ဖျပ်ဝင်နေတဲ့ အသံကို နားထောင်ပြီး ကျွန်မခြေလှမ်းမြန်မြန်လျှောက်မိတယ်..ဘာကြောင့်မှန်းမသိ ကျောထဲမှာချမ်းသလို အခန်းနားမရောက်ခင် “ အား” ဆိုတဲ့ အသံတစ်ခုကြားလိုက်ရတယ် ဘာမှန်းမသိ ကျွန်မတော့ ကြောက်ကြောက်နဲ့ ဘယ်လိုအခန်းပြန်ရောက်လာမှန်းမသိလိုက်ဘူး...နောက်နေ့မနက်တော့ ပြောကြတာက အပေါ်ထပ်က လူတစ်ယောက်အိမ်မက်မက်ပြီးရောင်အော်တာတဲ့...ဒါပေမယ့် စိတ်ထဲမှာ မသိုးမသန့်ရယ်..

နောက်ရက်လဲ ဒီလိုမျိုးထပ်ဖြစ်တယ်ပြောတာပဲ ကျွန်မတော့မကြားလိုက်မိဘူး အဲ ဟိုတစ်ရက်ကဖြစ်တဲ့သူတော့မဟုတ်ဘူးနောက်တစ်ယောက်တဲ့...

ဒီလိုမျိုးတွေဖြစ်ပြီး ရက်ပိုင်းအတွင်း ပြဿနာနောက်တစ်ခုက ..ကျွန်မတို့ အဆောင်ရဲ့ အပေါ်ထပ်အခန်းက TV ကြည့်ဖို့ဆိုပြီး အခန်းတစ်ခုထားထားပေးထားတယ်..အဲ့ဒီမှာ လူတစ်ယောက်ဆုံးသွားတယ်ဆိုတဲ့ သတင်းကြားလိုက်ရတယ် မြန်မာထဲက တော့မဟုတ်ဘူး..ကျွန်မတော့ ယောင်လို့တောင်အပေါ်ထပ်ကို မသွားတော့ဘူး..ခုချိန်ထိတော့ ဒီပြဿနာတွေက ကျွန်မတို့နဲ့ ဘာမှ မဆိုင်သေးပါဘူး..ဆိုင်လာနိုင်လိမ့် မယ်လို့လဲ ကျွန်မတို့ ဘယ်လိုမှ တွေးမထားမိကြပါဘူး..

“ဟေး ညီမတို့ သင်္ကြန်အတွက် ဘာအစီအစဉ်ရှိကြလဲဟေ့”..သူငယ်ချင်းဖြစ်တဲ့ ကိုကျော်ကျော်က မေးလာတယ်

“ ဟင့်အင်း ဘာမှမရှိဘူး ဘာအစီအစဉ်ရှိလို့လဲ အစ်ကို”

“ frankfurt သွားလည်မလားလို့ အဲ့မှာ သင်္ကြန်လုပ်မှာလေ”

“ဟုတ်လား ဒါဆို လဲ အားလုံးစုပြီးသွားကြတာပေါ့”

“အေး ကောင်းတယ် ..ဟုတ်တယ် ကောင်းတယ်” ..အားလုံးသဘောတူခဲ့ကြတယ်

“ ညီမရေထမင်းစားရအောင် ကောင်းကောင်းလဲ ဆင်းမလာသေးဘူးနော်” မေက မေးလာတယ်

“အင်း ဟုတ်တယ် စားနှင့်မလား”
“အင်း စားနှင့်တာပေါ့ သူဗိုင်ဆာရင်ဆင်းလာလိမ့်မယ်”

“ခဏနေ လမ်းလျှောက်ကြရအောင်နော်..”

လမ်းလျှောက်ပြီးပြန်လာတော့..“ ညီမရေ ကောင်းတစ်ယောက်ထမင်းလဲ လာမစားဘူးနေမကောင်းဘူးလား မသိဘူး သွားကြည့်ရအော် နော်”

“ ဟုတ်လား မေ သွားကြည့်မယ်လေ”..အဲ့ဒါနဲ့ အပေါ်ထပ်ကို တက်ဖြစ်ခဲ့တယ် အခန်းတံခါးက စေ့ရုံစေ့ထားတော့ ကျွန်မတို့တွန်းဝင်သွားလိုက်တယ်.. အိပ်ယာပေါ်လှဲနေတဲ့ ကောင်းကောင်းကိုတွေ့ရတယ်..

“ ကောင်းကောင်း နေမကောင်းဘူးလား”
“အင်း”

“ထမင်းလားစားလေ”
“မစားသေးဘူး”..
ကျွန်မနဲ့မေ တစ်ယောက်မျက်နှာတစ်ယောက်ကြည့်ပြီး အောက်ကို ပြန်ဆင်းလားခဲ့တယ် ကောင်းကောင်းက ဘယ်သူနဲ့မှ စကားပြောချင်ပုံမရဘူး..

နောက်တစ်ရက်...ကောင်းကောင်းရဲ့ အခန်းဖော်ရောက်လာတယ်.

“ကောင်းကောင်းက ညဘက်တွေ မအိပ်ဘူးအမ ကျွန်တော် အမတို့သိအောင်ပြောပြတာ သုံး လေးရက်ဆက်တိုက်ရှိပြီ”

“ဘာဖြစ်လို့လဲ”

“မသိဘူး အမ ကျွန်တော်မေးတော့ နေမကောင်းဘူးပြောတယ် ဒါနဲ့ကျွန်တော်လဲ ဆေးပေးလိုက်တယ်”

နေ့လည်ဘက် ချက်ပြုတ်နေတော့ မီးဖိုချောင်မှာ လူစုံနေကြတယ်...အားလုံးနောက်လိုက်ပြောင်လိုက်နဲ့..အဲ့ဒီအချိန်ကောင်းကောင်းရောက်လာတယ်..နှုတ်ခမ်းမှာလဲ ဖွေးလို့ ဆေးတွေ ဝါးစားထားတယ်ထင်တယ်..ကျွန်မတို့လဲ မျက်လုံးပြူးပြီး“ ကောင်းကောင်း ဘာဖြစ်လို့လဲ နေမကောင်းဘူးလား” လို့ ဝိုင်းမေးတော့..

“ ကျွန်တော်တောင်းပန်ပါတယ်..ကျွန်တော် အားလုံးကို တောင်းပန်ပါတယ် ကျွန်တော်မှားပါတယ်”

“ဘာလဲ ဘာဖြစ်လို့လဲ”

“ကျွန်တော်တောင်းပန်ပါတယ်”..ဒါပဲ ထပ်ခါထပ်ခါ ပြောပြီး အပေါ်ပြန်တက်သွားတယ်...

“ဟဲ့ နင်တို့တွေ ဘယ်လိုထင်လဲ ဒါပုံမှန်မဟုတ်ဘူးနော်..မေ ဘယ်လိုလုပ်ကြမလဲ”

“ငါတို့ သူ့အစ်ကို စီဖုန်းဆက်ပြောပြထားရင်ကောင်းမယ်ထင်တယ်နော်.”

“အေး ငါလဲ အဲ့လိုပဲထင်တယ်” .ကဲ ကျွန်မတို့ ဖုန်းဆက်ပြောရပြီပေါ့ သူ့အစ်ကို က သိပ်တော့မယုံချင်ပါ ဒါပေမယ့် လာခဲ့မယ်လို့ပြောပါတယ်..တစ်ခြားမြို့က မို့လို့ပါ..

ကောင်းကောင်း အကြောင်းကြားတော့ အားလုံးသတင်းမေးဖို့ သူ့အခန်းသွားကြတယ်..ကျွန်မတို့လဲစားစရာသွားပို့ရင်းသွားဖြစ်တယ်..
ကောင်းကောင်းက မစားပါ..ဘယ်လိုကျွေးကျွေး မစား ဘယ်သူနှင့်မှလဲ စကားမပြော ကျွန်မတို့ ဘယ်လိုလုပ်ရမှန်းကို မသိပါ..အဲ့ဒီ အချိန်မှာ အောက်ထပ်က အမ တစ်ယောက်ကဝင်လာပြီး..
ကောင်းကောင်း နေမကောင်းဘူးဆို လို့မေးပါတယ်...
ဘာကို နေမကောင်းကမှာ လဲ..သွား ခင်ဗျား ထွက်သွားစမ်းပါ..
ဟဲ့ ဟဲ့ ဘယ်လိုဖြစ်တာလဲ..ကောင်းကောင်း ကောင်းကောင်း.... ဆိုပြီး ကျွန်မတို့မှာ ထဆွဲရပါလေရော..
အဲ့ဒီ အမက သူနဲ့ သိပ်အဆင်မပြေတဲ့ တစ်ယောက်ရယ်..
"ဟူး..ဒုက္ခ ဒီပုံ အတိုင်းဆို မလွယ်ဘူးနော် မေ သူ့အစ်ကို မြန်မြန်ရောက်မှ"
"ကဲ ကောင်းကောင်း ရေ အမတို့ ပြန်ပြီနော်..ထမင်းထားခဲ့တယ် ဗိုက်ဆာရင် ထစား ဟုတ်ပြီလား.."

နောက်တစ်ရက်....

ညီမရေ.. ကောင်းကောင်း အစ်ကို ဒီနေ့ ညရထားနဲ့ ရောက်မယ်တဲ့
ဟုတ်လား တော်သေးတာပေါ့ .. မြန်မြန်ရောက်မှနော်.
ဒေါက် ဒေါက် .. ဟင် ဘယ်သူလဲ မသိဘူး တံခါးခေါက်တာ
ဟယ် ကောင်းကောင်း လာထိုင်.. ဘာစိတ်ကူးပေါက်သည်မသိ ကောင်းကောင်းတစ်ယောက်ကျွန်မတို့အခန်းထဲ ရောက်လာတယ်..
"ကောင်းကောင်း သက်သာလား အမတို့နဲ့ ဈေးဝယ်လိုက်ခဲ့ပါလား.."
"မလိုက်တော့ဘူး.."
" အေး အေး ဒါဆိုလဲ အေးဆေးနေနော်..အပြန်မုန့်ဝယ်ပေးခဲ့မယ်..."
ကလေးလို ချော့ပြောပြီး ထားခဲ့ရသည်...

"အမ တို့ဈေးသွားမလို့လား.."
"အင်း ဟုတ်တယ်..ဘယ်လိုလဲ ကောင်းကောင်းတစ်ယောက် ညက အိပ်ရဲ့လား."..သူ့ရဲ့အခန်းဖော်ကို ကျွန်မတို့မေးတော့..
ဘယ်ကအိပ်ရမှာလဲ အမ ရယ်...တစ်ညလုံးအဲ့ဒီ ပုံစံအတိုင်း ကျွန်တော်လဲ ဓါးတစ်ချောင်း ပျောက်လို့ သူအပေါ့သွားတုန်း သူ့အိပ်ယာ မှာ သွားရှာ ကြည့်တာ ထင်တဲ့ အတိုင်းပဲ..ခေါင်းအုံး အောက်မှာ တွေ့တယ် ကျွန်တော်မှာ မြန်မြန်ပြန်ယူပြီး ဖွက်ထား လိုက်ရတယ်..
ဘုရား ဘုရား... ကျွန်မတို့ မှာ ဘုရား တပြီး ဈေးကို အပြေးတစ်ပိုင်းသွား ပြီး ပြန်လာခဲ့ရတယ်..

ဈေးက ပြန်ရောက်လို့ ထိုင်ရုံရှိသေး.. ဆူဆူ ညံညံ အသံတွေ ကြားလိုက်တယ်..ထွက်ကြည့်တော့.

"လုပ်ကြပါဦး ..ကောင်းကောင်း တိုက်ပေါ်က ခုန်ချသွားပြီ.." တစ်ယောက်က လာအော်ပြောတယ်..
ဘုရား ဘုရား ..ကျွန်မ ရင်ထဲ အလုံးကြီးဆောင့်တက်သွားသလို.. မေ့လက်ကို ဆွဲပြီး အောက်ထပ်ကို အပြေးတစ်ပိုင်း ဆင်းလာခဲ့တယ်..မေ့ မျက်နှာ မှာ က သွေးမရှိတော့ဘူး...

အောက်ရောက်တော့ ကောင်းကောင်းကို ပက်လက်ကလေး မြက်ခင်းပြင်ပေါ်မှာတွေ့ လိုက်တယ်..
လူတွေ ဝိုင်းနေတယ်..

"ကောင်းကောင်း ကောင်းကောင်း "
" အစ်မ"
သတိတော့ မလစ်ပါ.. ကျွန်မတို့ ခေါ်တော့ ပြန်ထူးတယ်..
"နင်ဘာဖြစ်လို့ အဲ့လို လုပ်တာလဲ..ကောင်းကောင်း ဟင် နင်ဘာဖြစ်လို့ လုပ်တာလဲ"
ငိုကြီး ချက်မ နဲ့ မေ့ရဲ့ အမေးကို ကောင်းကောင်း ပြန်ဖြေတာက " မသိဘူး " တဲ့..

မေ ငိုတယ် .. မျက်နှာပြင်တစ်ခုလုံး ရဲပြီး စကားကို မပြောနိုင်လောက်အောင် ဖြစ်နေတာ ကျွန်မ မှာ ကောင်းကောင်းကို စိတ်ပူရင်း မေ့ကို ရောပူနေရတယ်..

မြန်မာသူငယ်ချင်းတွေ က ကောင်းကောင်းကိုပွေ့ ပြီး အထဲ သွင်းမလို့ လုပ်တော့ ..အဲ့ဒီက တာဝန်ရှိသူတွေက တားတယ်.. မပွေ့နဲ့.. တဲ့ အရိုးတွေ ကျိုးသွားနိုင်တယ် ဒီအတိုင်းပဲ ထား ..ခဏနေ ဆေးရုံကားလာလိမ့်မယ် ပြောတယ်.. ပြီးတော့ ငွေရောင် စက္ကူတစ်မျိုးနဲ့ အချမ်းသက်သာအောင် ခြုံပေးထားတယ်..

ကျွန်မတို့ နေတာက လေးထပ် ..ကောင်းကောင်းက ငါးထပ် ..ခုသူခုန်ချတာ သူနေတဲ့ အထပ်ကနေပေါ့... အရင် ကထဲ က ဆောက်ထားတဲ့ တိုက်မို့ ငါးထပ်ပေမယ့် တော်တော်လေး မြင့်တယ်...

ခဏနေတော့ ရဲကားတွေ.. ဆေးရုံကားတွေ ရောက်လာတယ်..

မေက ကောင်းကောင်း အစ်ကို တွေဆီကို ဖုန်းဆက်ရင်း တက်မလို လို ဖြစ်ဖြစ်သွားလို့.. ကျွန်မက ဘေးက နေ သတိပေးနေရတယ်.. ကျွန်မ ကိုယ်တိုင်လဲ မျက်ရည်တွေ စီး စီးကျနေတယ်..ငိုချင်တာလား ဘာလားမသိဘူး..လူက ရုတ်တရက် ဆောင့်တက်လာတဲ့ ခံစားချက်ကို မထိန်းနိုင်သလိုမျိုး.စိတ်လဲ ပူတယ် ..ကြောက်လဲ ကြောက်သလို..ဝမ်းလဲ နည်းသလို..

ဟုတ်တယ်လေ...မိဘ ဆွေမျိုး တွေ မရှိတဲ့ နေရာမှာ ဒါမျိုး ဖြစ်တာ..ဘယ်လောက် အသဲငယ်စရာ ကောင်းလိုက်လဲ...

ဆရာဝန်တွေ ကောင်းကောင်းဘေးမှာ ဝိုင်းနေတယ်..လက်ကို အကြောဆေးလိုမျိုး ဆေးသွင်းတယ်..ခက်တာက ကောင်းကောင်းက သွေးတစ်စက်မှ မထွက်ဘူး အတွင်းကြေဖြစ်မှာ စိုးရတယ်.. ရဲတွေလဲ ရောက်လာတယ်...ဟော်လီကောင်ပတာ တစ်စီး ရောက်လာတယ်..
တော်သေးတယ် ကျွန်မတို့ အဆောင်ရှေ့မှာ မြေ အလွတ် ရှိလို့ ရပ်လို့ ရတာ..ပစ္စည်းတွေ အစုံသယ်လာတယ်..စက်တွေကို စုံလို့ပဲ.. အရေးပေါ် ကုသမှုလုပ်ကြတယ်..လူနာကို လူနာစင်ပေါ်တင်ပြီး သေချာထိန်းထားတယ် ..အထူးသဖြင့် လည်ပင်းနဲ့ ခေါင်းကို မလှုပ်နိုင်အောင်.. နောက်တော့ ခေါ်သွားကြတယ်...ကျွန်မတို့ လိုက်ချင်တာ လိုက်ခွင့်မရှိဘူးတဲ့..ဆေးရုံ လိပ်စာ ပြောခဲ့တယ်.. နောက်ရက်လိုက်လာ ခဲ့ပါတဲ့..


ဟုတ်တော့ ဟုတ်ပါတယ်.. ကျွန်မတို့လဲ သူတို့ ဘာပြောပြော တစ်လုံးမှ နားမလည်ပဲ..သူ့အစ်ကို တွေ ရောက်လာမှ အဆင်ပြေမှာလေ..

ညနေ ကောင်းကောင်း အစ်ကို တွေ ရောက်လာတယ်..နောက်နေ့ဆေးရုံ လိုက်သွားတော့ အရေးပေါ်ခန်းမို့ ဘယ်သူမှ ပေးမဝင်သေးဘူးတဲ့..နောက်တစ်ရက် မှာ ဝင်ရတယ်.. ဒုတိယ အရေးပေါ်ခန်း ဆိုပါတော့..လူနာ ကြည့်မယ့် သူတွေကို နာမည်စာရင်း ပေးထားရတယ်.. နာမည်ပါတဲ့ သူမဟုတ်ရင် ကြည့်ခွင့်မရှိဘူး..

ကောင်းကောင်းက လုံးဝ သတိမရတော့ဘူး.. ဘယ်လိုခေါ်လဲ ကိုးမား ဝင်တယ်လို့ ပြောရမယ်ထင်တယ်..ပြီးတော့ လည်ပင်းမှာ ဖောက်ပြီး ပိုက်ကြီးထိုးထားတယ်..မြင်ရတာ မသက်သာလိုက်တာလေ..အရမ်းသနားဖို့ ကောင်းတယ် တစ်ကိုယ်လုံးပိုက်တွေ ကြီးပဲ..ဆရာဝန်က ကျွန်မတို့ကို ကောင်းကောင်းနဲ့ စကားများများ ပြောခိုင်းတယ်.. သူကြားနိုင်တယ် တဲ့.. ဒါမှ သူမြန်မြန် ပြန်သတိရလာမှာတဲ............................

ကျွန်မတို့ အရမ်းကို စိတ်မကောင်းဖြစ်မိကြတာ...လေ

.................................................

ဆေးရုံပေါ်မှာ ၂ ပတ်လောက်နေပြီး.. ကောင်းကောင်း ပြန်သတိရလာတယ်..ဒါပေမယ့်.........
........

ကျွန်မတို့ရဲ့ မောင်လေး..ခန္ဓာကိုယ်မလှုပ်ရှား နိုင်တော့ဘူးလေ..

သိပ်ကို ဝမ်းနည်းစရာ ကောင်းတဲ့ အဖြစ်တစ်ခုပါ..စကားတောင် ပီအောင်မပြောနိုင်ရှာဘူး.. လေ့ကျင့်ခန်းလုပ်ပေး ရင်တော့ ပြန်ကောာင်းလာ နိုင်ပါတယ်လို့ ဆရာဝန်က ပြောတယ်....

အဲ့ဒီ မျှော်လင့်ချက်လေးနဲ့ ကျွန်မတို့ အချိန်ရသလောက် သူ့ကို ပြုစု ခဲ့ကြတယ်..သူ့ရဲ့ အစ်ကို တွေက အလုပ်တစ်ဖက်နဲ့ မို့ ပြန်သွားကြတယ်..ကျွန်မတို့ တော့ အချိန်ရတိုင်း သူ့ဆီသွားဖြစ်တယ်.. ဆေးရုံဆိုတော့ သိတဲ့ အတိုင်း ဝင်ချင်တိုင်းဝင် ထွက်ချင်တိုင်းထွက်လို့ မရဘူးလေ.. အချိန်နဲ့သွား ပြီး အချိန်နဲ့ ပြန်ရတယ်..ပြန်လာတဲ့ အချိန် သူ့ကို တစ်ယောက်ထဲ ထားပစ်ခဲ့ရတာ စိတ်မကောင်းဘူး...

သုံး လေး လလောက် ကြာတော့ ကောင်းကောင်း အခြေအနေ တိုးတက်လာတယ်..စကား ကို ကောင်းကောင်း ပြောနိုင်လာပြီး လက်နှစ်ဖက်လဲလှုပ်ရှားနိုင်လာတယ်..ဝမ်းသာစရာပါ..ဒါပေမယ့် ခြေထောက်တွေတော့ မလှုပ်ရှားနိုင်တော့ဘူး.. ဝှီးချဲ နဲ့ပဲသွားရတယ်..ဘာပဲ ပြောပြော သေတွင်းက လွတ်လာတာတော့ ဝမ်းသာစရာပါ...

ဒါပေမယ့် အဲ့ဒီအချိန် .. အဲ့ဒီ အဖြစ်အပျက်တွေက ဘာမှ မေးကြည့်လို့ မရဘူး..သူမသိဘူးပဲ ပြောတယ်.. သူထိုင်နေတာ တဲ့...ဘာဖြစ်သွား မှန်းမသိဘူးပဲ ပြောတယ်..

စိတ်လဲ သိပ် ပုံမှန်မဟုတ်တော့ဘူး..

စိတ်မကောင်း ဘူး.. ဝမ်းနည်းတယ်..

ဒီလိုနဲ့ ကျွန်မ ဒီ မြို့ကို ပြောင်းလာပြီး နောက်ပိုင်း သူတို့ နဲ့ အဆက်အသွယ် သိပ်မရှိတော့ဘူး.. သူ့အကြောင်းတော့ မေးမိပါတယ်.. ခုချိန်ထိ ဝှီးချဲ နဲ့ပါပဲ တဲ့...........

.......................

သင်္ကြန်တွင်းမှာ ဖြစ်ပျက်ခဲ့တဲ့ ဒီအဖြစ်အပျက်လေးကို ကျွန်မ သင်္ကြန်ရောက်ခါနီးတိုင်း ပြန်တွေးမိတယ်..
အချိန်တွေကတော့ ကြာသွားပါပြီ..ခံစားချက်တွေကတော့ မနေ့တစ်နေ့ ကလိုပဲ..

စဉ်းစားမိလိုက်တိုင်းလဲ ..ကောင်းကောင်းတစ်ယောက် နေကောင်းပါစေ..
နောင်ဘဝတွေမှာ ဒီလို အဖြစ်မျိုး မကြုံပါစေနဲ့ လို့ ဆုတောင်းမိရင်း.........................

အိမ်မက်စေရာ
၀၂.၀၄.၁၂






7 comments:

ရင်ဆူး said...

အိမ်မက်ရေ လုပ်တဲ့အကြောင်းလေး ဖတ်သွားပါတယ်.....ဘာကြောင့်မှန်းမသိပေမဲ့...ဖြစ်နိုင်တာတွေ အမျိုးမျိုးတော့ရှိတာပေါ့နော်......ဘယ်တတ်နိုင်မလဲ ဖြစ်ပြီးမှတော့ ....၀ဋ်လို့ဘဲပြောရမလားမသိဘူးနော်....ကံဆိုတာကလည်း အဆန်းသား.....ကောင်းကောင်းတစ်ယောက် မြန်မြန် သက်သာလာပါစေလို့ ဆန္ဒပြုပါတယ်......

ဟန်ကြည် said...

ဖတ်ရင်းနဲ့ စိတ်မကောင်းဖြစ်လိုက်လာတယ်...လူဆိုတာကလည်း ခက်သားကလား...ဘ၀ဘ၀တွေက ဘာတွေ အထုံပါခဲ့တယ်၊ ဘာတွေ ဖြစ်ခဲ့တယ်ဆိုတာကို ကိုယ်မှ မသိနိုင်ဘဲကိုး...ကိုယ့်ရှေ့မှာ အနှီလိုဖြစ်သွားတာ ကြုံရင်အတော် စိတ်ထိခိုက်မှာပါပဲလေ...ကိုင်း ဒီနှစ်သင်္ကြန်တော့ အစစအရာရာ အဆင်ပြေပါစေလို့ ဆုတောင်းပေးလိုက်ပါသဗျား...

စကားမစပ် ဒီတစ်ခါတော့ ကွန်မန့်ပေးရတာ အဆင်ချေနေပါကလားး)

Mrs. Bagel said...

လန့်စရာပါလား? ဖတ်ရင်း ကြက်သီးထတယ်။

Snow May said...

ပို့စ်လေးဖတ်ပြီး စိတ်မကောင်းဖြစ်ရပါတယ် အိပ်မက်ရေ.
ဒီနှစ်သင်္ကြန်မှာ ပျော်ရွှင်ပါစေ.

လွင်ပြင်လှိုင်းငယ် said...

စာရေးကောင်းသူရဲ့ ပိုစ်လေးဖတ်ရလို့ကျေးဇူးပါ

rose of sharon said...

အမလေး...လန့်တာ...ဖတ်ရင်းနဲ့ကြက်သီးထတယ်...

Anonymous said...

အပေါ်က ထာဝရအိပ်စက်ခွင့်ကဗျာလေးကိုဖတ်ပြီး သိပ်သဘောကျလို့ အောက်ကပို့ စ်တွေဆက်ဖတ်လိုက်တာ ကောင်းကောင်းအကြောင်းဖတ်လိုက်ရတော့တော်တော်စိတ်မကောင်းဖြစ်ရတယ်။
လူဆိုတာလေ..အဖြစ်ဆုိုးတွေမြင်ဘူးထားမိရင်မျက်လုံးထဲစိတ်ထဲကတော်တော်နဲ့ မထွက်ဘူး။
သတ္တ၀ါတစ်ခု ကံတစ်ခုလို့ သာသဘောထားပြီး ကိုယ်တတ်နိုင်တာလုပ်ပေးဘို့ သာရှိတယ်လို့ နှစ်သိမ့်ပါရစေနော်။
ဒီနှစ်သင်္ကြန်ပျော်ရွှင်ပါစေလို့ ...
အိုင်အိုရာ