ဒီဖေဖေါ်ဝါရီလရဲ့ ၁၄ ရက်နေ့က ချစ်သူများနေ့...ဒီနေ့က ၂၀ ဆိုတော့ အင်း တော်တော်လေးကျော်သွားပြီ..ဒီနေ့မှ အလုပ်နားတော့ ချစ်သူများနေ့ အကြောင်းကို ဒီနေ့မှပဲ ရေးဖြစ်တော့တယ်..ပြောချင်တာက အဲ့ဒီနေ့ပြီး နောက်တနေ့ပေါ့...အလုပ်ကို ဝင်လာတော့ အားလုံးရဲ့ ကျွက်စိ ကျွက်စိ အသံလေးတွေ ကြားနေရတယ်..သိနေတယ်လေ မနေ့က အကြောင်းတွေ စမြုပ်ပျံနေကြမယ် ဆိုတာ ဟင်း ဟင်း..အဲ့ဒါနဲ့ ကိုယ်လဲ ဝင်ပါလိုက်တယ်..(စကားဝင်ပြောတာကို ပြောတာနော်)..
နံပါတ်တစ် သူငယ်ချင်းကိုမေးတော့..ငါလား ချစ်သူအတွက် ကော်ဖီသောက်တဲ့ ခွက်ကလေး လက်ဆောင်ပေးလိုက်တယ် တဲ့..ဆင်တူခွက်ကလေးနှစ်လုံးလေ တဲ့..( အင်း ကောင်းသားပဲနော်)
နံပါတ်နှစ်က.. ငါက တော့ဘာမှမပေးဘူး လက်ဆောင်က အဓိကမဟုတ်ဘူးလေနော် ငါတို့ ညနေစာအတူစားဖြစ်တယ်လေ..ဖယောင်းတိုင်လေးတွေထွန်းပြီးတော့ ရိုမတ်တစ် ညနေခင်းလေးပေါ့ တဲ့( ကဲ ဘယ်လောက်ကောင်းတဲ့ အိုင်ဒီယာလဲနော်.)
နံပါတ်သုံးက..ဟဟ ငါလား မနက်အိပ်ယာနိုးတော့ ယောက်ျားကို အနမ်းတစ်ချက်ပေးခဲ့တယ် ဒါပဲ( ကဲ ပြီးရော)
နံပါတ်လေး...သူက ဘာလက်ဆောင်လဲတော့ မပြောဘူး.သူ့ယောက်ျားကို ပေးဖို့ လက်ဆောင် သူ့သမီးကို ဝယ်ခိုင်းလိုက်တယ်တဲ့ သူမအားလို့တဲ့ သူ့သမီးလဲ သူ့ bf အတွက်လက်ဆောင်သွားဝယ်ပေးလို့ တခါထဲမှာလိုက်တယ်ဆိုပဲ( သမီးနဲ့ အမေတို့ ခောတ်မှီပုံများ နော် )
ကဲ နံပါတ်ငါး...ငါ ဘာမှ မပေးဘူး.ချစ်သူများနေ့က ငါ့အတွက်မဟုတ်ဖူးတဲ့( ပြောပုံက) အားနာတယ် သူ့ကောင်လေးကို တော့..
အော် အော် နောက်ဆုံးတစ်ယောက်...သူက ယောက်ျားလေးလေ.. ဘာအမှတ်တရလုပ်ဖြစ်လဲလို့ မေးတော့..သူက လက်ညှိုးနဲ့ လက်မလေး ဝိုင်းပြတယ်( သနားစရာ)..ဆွဲကြိုးလက်ဆောင်ပေးလိုက်တာ euro 400 ထွက်သွားတယ် တဲ့....( ချစ်တာကိုးနော် ခံပေါ့ )
သူတို့ပြောတဲ့ valentine အ ကြောင်းကတော့ ဒီလောက်ပါပဲ..ခေါင်းစဉ်က သူတို့ပြောတဲ့ valentine ဆိုတော့ ကိုယ့်အကြောင်းတော့ ထည့်မပြောတော့ဘူးနော်...ဘိုင် ဘိုင်
No comments:
Post a Comment