Pages

Thursday, February 10, 2011

မေမေ့အတွက်နော်....

မေမေရေ ခိုးခိုးပြီးတော့ သမီးလေးမသိအောင်ငိုနေတာလား သိနေပါတယ် မေမေရေ....သမီးကမေ့မေ့ကိုထားသွားမှာတဲ့လား..မဟုတ်ပါဘူးမေမေရယ် ဘဝလမ်းကို တစ်ယောက်ထဲစမ်းလျှောက်ကြည့်ချင်လို့ပါ..မေမေ စိတ်ပူနေမှာ သမီးလေးသိပါရဲ့ ဒါပေမယ့် မေမေရယ် သမီးကို စိတ်ချ မေ့သမီးမှာ သတ္တိတွေအပြည့်နဲ့ပါ..မေမေနဲ့ သမီးဟိုးငယ်ငယ်လေးထဲက ကတောက်ကဆ အကြိမ်ကြိမ်ဖြစ်ခဲ့တယ်နော်..မေမေ ကလဲ လိုချင်တဲ့ပုံစံကို ရအောင်သွင်း သမီးကလဲ လွတ်လပ်တာကို ရူးသွပ် ဒီလိုနဲ့ မေမေနဲ့ သမီးကြားအထင်လွဲမှုတွေများခဲ့တယ်နော်..မေမေ နဲ့ သမီးဟာလေ သားအမိပေမယ့် အမြင်ချင်းကတော့ မတူတာများလ်ို့ မေမေ က လက်ဖမိုးဆို သမီးက လက်ဖဝါးလုပ်ခဲ့တာချည်းပဲ..သမီးက စိတ်ကောက်ရင် နှုတ်ခမ်းမဆူ ခြေမဆောင့်တက်ဖူး မေမေ ကိုပဲ ရှောင်နေခဲ့လိုက်တယ် တကယ်တော့ မေမေ အရမ်းစိတ်ထိခိုက်မယ်ဆိုတာ မသိလို့ပါမေမေရယ်..အိမ်မှာရှိတဲ့ တယ်လီဖုန်းကြောင့်လဲ သမီးတို့တွေစကားများဖူးရဲ့..မေမေ အော်ဆူရင် သမီးတအားကို စိတ်ဆိုးတက်ခဲ့တာနော်..အော် ပြောရဦးမယ် ဆယ်တန်းကျောင်းသူဘဝက လှည်းတန်းသွားခဲ့တာလေ..တကယ်ပါမေမေ မေမယုံပေမယ့် သမီးမေမေ့ အတွက်မွေးနေ့လက်ဆောင်လေးဝယ်ပေးချင်လို့ပါ..မသွားတက်မလာတက်ဆိုတော့ အပြန်နောက်ကျခဲ့တာ သူငယ်ချင်းမလေး နှစ်ယောက်နဲ့လေ...မေမေ ဆူလိုက်တာနော်..သူတို့အမေတွေက မဆူဘူးလို့သူတို့ပြောပြတော့ သမီး စိတ်မကောင်းလိုက်တာ...တကယ်တော့ မေမေက လေပြေလေးနဲ့ ပြောပြသင့်တယ်လို့ သမီးထင်တာလေ..မေမေ ကဆူပြီးပြောတော့ သမီးက မေမေ့ကို အထင်လွဲတာပေါ့..ငယ်သေးလို့ပါမေမေရယ် သမီးဘာကိုမှနားမလည်ခဲ့တာပါ..အဲ့လိုနဲ့ အရွယ်ရောက်လာတော့လဲ မေမေကပိုစိတ်ပူတက်လာ..သမီး သိတာတက်တာလေးတွေများလာတော့ မေမေ့ကိုချက်နဲ့ လက်နဲ့ ပြန်ပြောခဲ့တာ..သမီးဆိုးလိုက်တာနော်..ခုတော့ မေ့သမီးက နှစ်ဆယ့်ငါးကိုကျော်လို့ နှစ်ဆယ့်ခြောက်ကိုရောက်တော့မယ်မေမေ..ကလေးလေး လေးလဲမဟုတ်တော့ဘူး..လူငယ်လေးလဲ မဟုတ်တော့ဘူး..ဘဝကို ရုန်းကန်ချင်လာတယ်..အသိုက်အမြုံဆိုတာထဲက ရုန်းထွက်ချင်လာတယ်..ဒုက္ခဆိုတာ သမီးသေချာမသိသေးလို့ လို့မေမေထင်မယ်ထင်တယ်..ဟုတ်ချင်လဲ ဟုတ်မယ်မေမေရယ်..ဒါပေမယ့် သမီးကြိုးစားချင်တယ် ကိုယ်လိုချင်တာကို ကိုယ်တိုင်ဖန်တီးကြည့်ချင်တယ်..ခွင့်လွတ်ပါမေရယ် မေမေ့ရင်ကို စုံကန်တာမဟုတ်ရပါဘူး..သမီးဟာ မေမေ့ရဲ့ သမီးပါ မေမေ မွေးထားတဲ့ သမီးဟာ အမြဲတမ်းမေမေ့ သမီးပါပဲ..ဘဝထဲ မှာ မေမေမသိတဲ့ ကိုယ်ပိုင်ခံစားချက်တွေနဲ့ မေမေ့ကို ရင်ဖွင့်မရတဲ့ ဒဏ်ရာတစ်ချို့နဲ့မို့..တစ်ကြိမ်ကြိမ်မှာ ဒါတွေကိုမြင်ပြီး မေမေ့ကို ရင်မနာစေချင်လို့...ပြဿနာတစ်ချို့ ကိုယ်တိုင်ဖြေရှင်းချင်လို့..လူတစ်ချို့ကို ရင်ဆိုင်ချင်လို့..အားလုံး အားလုံးပေါ့ မေမေရယ်..မေမေ့ကို ခွဲသွားမှာ မဟုတ်ပါဘူး..မေမေဟာ သမီးရဲ့ မေမေပါ..မေမေ ဟာ အကောင်းဆုံးနဲ့ သမီးကို အချစ်ဆုံး...သမီးသိပါတယ် မေမေ မသိလို့မဟုတ်ပါဘူး...မေမေ မငိုပါနဲ့..သမီးမေမေ့ကို ခွဲမသွားပါဘူး..လောကကြီးကို အတ္တတစ်ချို့ နဲ့ ရင်ဆိုင်ချင်လို့ နားလည်ပေးပါနော်မေမေ..သမီးခွဲမသွားပါဘူးမေမေရယ် ..မငိုပါနဲ့မေမေရယ်..နော်

No comments: